Në prag të mbledhjes së 34-të të deputetëve të betuar të Kuvendit të Kosovës, deputeti i Partisë Demokratike të Kosovës, Nait Hasani, ka bërë të ditur se nuk do të marrë pjesë në seancën konstituive.
Para nisjes së seancës, Hasani foli për mediat, ku tha se është i pranishëm në Kuvend vetëm për përgatitjet e Konventës së PDK-së dhe jo për zhvillimet parlamentare, të cilat, sipas tij, kanë hyrë në një cikël monoton e të pafrytshëm.
“Nuk do të marr pjesë. Rutinë është e njëjtë, seriali është i njëjtë, veç episodet po ndryshohen, nuk ka ndryshime. Në dorë të Zotit dhe Gjykatës Kushtetuese,” deklaroi Hasani me një ton kritik dhe të zhgënjyer.