Juristi Bardhyl Hasanpapaj në “Debat Plus” në RTV Dukagjini, ka thënë se fjalimi i kryeministrit Albin Kurti në seancën e “natës” ishte “i bukur si taktizim” për ta kamufluar ndryshimin e vet politik.
Ai ka shtuar se Asociacioni tashmë është prezent në dokumentin franko-gjerman, për të cilin, është dakorduar Kurti.
Mirëpo, Hasanpapaj konsideron se “aa më shumë që ne vonohemi ta themelojmë Asociacioni, aq më shumë pësojmë nëse flasim me terma të Albin Kurtit’’.
Ndërsa për takimin e ardhshëm të 18 marsit në Ohër, mes Kurtit e Vuçiqit, Hasanpapaj ka thënë se Kurti nuk duhet të jetë pengesë për një marrëveshje.
“Uroj dhe shpresoj që Kurti të mos jetë pengesë për themelimin e Asociacionit”, është shprehur jursiti Hasanpapaj.
Ai ka kërkuar unitet të subjekteve politike kur bëhet fjalë për marrëveshjen me Serbinë.
“Nga një luftë e brendshme politike shumë e madhe, duhet të shndërrohet në konsensus … dhe ta ratifikojnë të gjithë së bashku me marrëveshjen në Kuvend”.
“Marrëveshja me Serbinë duhet të ratifikohet në Kuvendin e Kosovës me 120 votat e deputetëve’’, ka thënë ndër të tjera Hasanpapaj.