Bekim Haxhiu, deputeti i Partisë Demokratike të Kosovës (PDK), në Kuvendin e Kosovës, ka thënë se qeveria aktuale është “qeveri e mashtrimit dhe stagnimit, e nepotizmit dhe korrupsionit, e shtrenjtimit dhe varfërisë, e pabarazisë dhe diskriminimit”.
“Krejt dhe drejt, erdh dita me e pa ftyrën e vërtetë të Albin Kurtit prej mashtruesit dhe abuzuesit më të madh në skenën politike. Ai që premtoi ndryshim për të mirën e popullit ndryshoi vetë për të mirën e tij dhe të pushtetarëve rreth tij”, ka thënë Haxhiu.
“Të gjitha premtimet dhe kauzat me të cilat erdhi Lëvizja Vetëvendosje në pushtet për dy vite u tretën e u shkelën…, Kurti i cili sapo erdhi në pushtet u përkul para flamurit që e quante dikur lara-lara. Pra në opozitë ofendonte simbolet shtetërore të Kosovës për ca vota e në pushtet përkulet para atyre simboleve që dikur i nënqmonte”, ka thënë tutje Haxhiu.
Ndërsa sa i përket marrëveshjes me Serbinë, sipas Haxhiut, Qeveria nuk ka guxim ta sjell në Kuvend.
“Pranimi i Zajednicës dhe krijimi i autonomisë së vet menaxhuese dhe autonomi të veqantë për Kishën Ortodokse është kauza e fundit që e shkeli Albin Kurti. Prandaj Albin Kurti dhe kjo qeveri nuk ka më legjitimitet të qëndroj në pushtet sepse ka shkel të gjitha kauzat me të cilat erdhi në pushtet…Nuk mundesh me i mashtru qytetarët deri në këtë nivel”, ka shtuar deputeti nga radhët e PDK-së.