Haxhiu: Sistemi i drejtësisë nuk synon vetëm ndjekjen e të dënuarve por edhe rikthimin e tyre në shoqëri

Ministrja e Drejtësisë, Albulena Haxhiu

Ministrja e Drejtësisë, Albulena Haxhiu, ka marrë pjesë në prezantimin e Raportit monitorues të EULEX-it për lirimin me kusht të të dënuarve në Kosovë.

Ajo theksoi rëndësinë e një sistemi të drejtësisë të besueshëm, të pavarur dhe profesional.

Ministrja Haxhiu tha se ministria që ajo e drejton është e përkushtuar në përmirësimin e mekanizmave për lirimin me kusht të të dënuarve dhe rikthimin e tyre në shoqëri.

Sa i përket lirimit me kusht të të dënuarve, tha ministrja Haxhiu, nuk është vetëm një proces ligjor, por edhe njerëzor, sepse konsiderohet duke marrë parasysh si sjelljen dhe korrektimin e të dënuarit ashtu edhe sigurinë publike dhe interesat e institucionit.

“Sistemi i drejtësisë në vendin tonë, nuk synon vetëm të ndjekë të dënuarit dhe t’i dënojë ata për vepra penale, por gjithashtu mëton të ofrojë mundësi dhe shpresë për rikthimin e tyre në shoqëri dhe për këtë Ministria e Drejtësisë është e vendosur të sigurojë se të gjithë të dënuarit, që kanë të drejtë sipas ligjit, të kenë mundësi të përfitojnë nga programet dhe iniciativat që ndihmojnë në rikthimin e tyre në shoqëri, duke u dhënë një shans për të ndryshuar jetën e tyre dhe për të ndikuar në shoqërinë tonë pozitivisht” tha ministrja Haxhiu.

Në mbyllje të fjalimit të saj, ministrja Haxhiu tha se lirimi me kusht i personave të dënuar duhet të bëhet në përputhje me ligjin, në mënyrë të drejtë dhe transparente dhe për këtë, Ministria e Drejtësisë do të mirëmbaj dhe të avancoj më tej mekanizmin për lirimin me kusht të të dënuarve, gjë për të cilën rekomandimet e dala nga ky raport dhe bashkëpunimi me të gjithë akterët relevant do të konsiderohen me prioritet.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika