Kandidatja e Lëvizjes Vetëvendosje për postin e kryetares së Kuvendit, Albulena Haxhiu, ka dhënë një deklaratë të shkurtër para gazetarëve në hyrje të Kuvendit të Kosovës, ku pritet të zhvillohet për herë të 34-të seanca konstituive.
Duke komentuar pritjet për këtë seancë, Haxhiu u shpreh skeptike, duke theksuar mungesën e zhvillimeve konkrete që do të ndryshonin rrjedhën e procesit.
“Besoj që flas kur të dal. Nuk kam parë ndonjë ndryshim, kështu që edhe sot do të jetë situata njëjtë,” tha ajo, duke lënë të kuptohet se pritet një tjetër dështim në përpjekjet për ta funksionalizuar Kuvendin.