Lutfi Haziri, nënkryetar i Lidhjes Demkratike të Kosovës (LDK), ka kritikuar Qeverinë Kurti, në lidhje me raportet që ka Kosova me aleatët ndërkombëtarë dhe Shqipërinë.
Haziri përmend disa nga datat kryesore si 2 Korriku, 7 Shtatori, 12 Qeshori 1999 dhe 17 Shkurti dhe shton se këto vijnë pas një vizioni e bashkëpunimi si dhe kordimimi me aleatët ndërkombëtarë.
“Vendimet e mëdha e vendimtare për Kosovën si 2 Korriku, 7 Shtatori, 12 qershori 1999 e 17 Shkurti, vijnë pas një vizioni, bashkëpunimi e koordinimi me aleatët ndërkombëtarë, në krye me SHBA. Sot kjo qeveri i ka prishur raportet deri në nivel sanksionesh. Madje kurrë më keq s’kanë qenë raportet edhe me vëllezërit matan gradhit – Shqipërinë”, ka shkruar Haziri.
Haziri thekson se për këtë Republikë, Liri e Demokraci, kanë vdekur njerëz, e dikush është në burg e dikush në Kuvend të Republikës.
“Dikush ka vdekur për këtë Republikë, për këtë Liri e për këtë Demokraci, që i ndërtuam me shumë mund e sakrifica personale e familjare. Dikush është në burg e dikush në Kuvend të Republikës. Shtrohet pyetja, çka do të lini ju pas, kush feston për një ngjarje tuajen dhe para kujt me dërgu lule”, ka thënë Haziri.