Lutfi Haziri, deputeti i Lidhjes Demokratike të Kosovës (LDK), pak para seancës ka deklaruar se situata politike në vend është bërë e neveritshme.
Ai u shpreh se mungesa e një marrëveshjeje politike dhe e vullnetit politik po e pengon konstituimin e Kuvendit.
“Është mungesë e një marrëveshjeje politike, kjo dëshmon që është edhe mungesë e vullnetit politik për të konstituuar Kuvendin. Tashmë është bërë tepër e gjatë dhe e neveritshme. Krejt duan Kuvend, krejt njerëzit po presin që të kalohet te çështja e Qeverisë, sepse vendi edhe pa Qeveri edhe pa Kuvend po vazhdon me jetu. Vendimet politike, vendimet që u takojnë politikanëve dhe njerëzve të zgjedhur nuk u takon me i delegu te organet e tjera kushtetuese, duke përfshirë edhe Gjykatën Kushtetuese”, tha Haziri.