Në intervistën e saj të pare pas gjyqit me Savannah Guthrie në emisonin “TODAY” në CBS, aktorja Amber Heard ka thënë se ajo nuk e “fajëson” jurinë për mbështetjen që kishin për Johnny Depp.
“Unë nuk i fajësoj ata. Në fakt e kuptoj, ai është një personazh i dashur dhe njerëzit mendojnë se e njohin. Ai është një aktor fantastik”, ka thënë Heard për Depp.
Heard në këtë intervistë ka thënë se furia e rrejteve sociale janë të “padrejta” pasi kanë favorizuar Depp gjatë gjyqit gjashtë javor. Heshtagu i Tik-Tokut “Drejtësia për Amber Heard” ka marrë 27 milionë shikime, ndërsa heshtagu “Drejtësi për Johnny Depp” ka marrë 20 miliardë shikime.
“Nuk më intereson se çfarë mendon dikush për mua ose çfarë gjykimesh doni të bëni për atë qfarë ndodhi në privatësinë e shtëpisë time, në martesëm time, pas dyerve të mbyllura. Unë nuk mendoj se një person mesatar duhet t’i dijë ato gjëra. Dhe kështu nuk e marr personalisht”, ka thënë Amber Heard.
Aktorja Heard ka thënë se edhe dikush që është i sigurt se unë e meritoj gjithë këtë urrejtje, edhe nëse mendon se po gënjej, prapë nuk mund të më shikosh në sy dhe të më thuash që ajo çfarë ka ndodhur në mediat sociale ka qenë përfaqësim i drejtë.
”Nuk mund të më thuash se mendon se kjo ka qenë e drejtë”, ka shtuar më tej Amber Heard.