Zvicra më 25 mars do të zhvillojë ndeshjen e parë kualifikuese për Euro 2024 kundër Bjellorusisë.
Bjellorusia është nikoqire në Novi Sad, pasi nuk lejohet të organizojë ndeshjet në territorin e saj për shkak të përfshirjes në pushtimin rus të Ukrainës.
Seleksionuesi i hermetikëve, Murat Yatkin më 16 mars ka publikuar listën e lojtarëve të ftuar ku në mesin e tyre janë edhe tre shqiptarët, Granit Xhaka, Xherdan Shaqiri dhe Andi Zeqiri që do të udhëtojnë në Serbi për t’u përballur me Bjellorusinë.
Dyshja e njohur, Xherdan Shaqiri e Granit Xhaka e kanë eliminuar dy herë Serbinë nga Botërori, më 2018 dhe 2022.
Në “Rusia 2018” dhe “Katar 2022” dy “shqipet” e Zvicrës ishin target i fyerjeve të huliganëve serbë, por janë përgjigjur në mënyrën më të mirë, me gola në fushën e lojës.
Sulmuesi Andi Zeqiri ishte pranë përfaqësimit të Kosovës, por në fund “tradhtoi” dhe zgjodhi Zvicrën, fanellën e së cilës e ka veshur 7 herë deri tani.
23-vjeçari është në pronësi të Brighton, por këtë sezon po luan i huazuar te Basel.
Tri ditë pas transfertës serbe ndaj Bjellorusisë (Novi Sad), Zvicra pret Izraelin në Gjenevë.
Aufgebot / Sélection / Convocazione
🇧🇾 🆚🇨🇭
📅 25.3 🕕 18:00
🏟️ Novi Sad/SRB🇨🇭🆚 🇮🇱
📅 28.3 🕘 20:45
🏟️ Stade de Genève
🎟️ https://t.co/LvDlnGCOl1 pic.twitter.com/2x4cbsIdy7— 🇨🇭 Nati (@nati_sfv_asf) March 16, 2023
Kombëtarja e Zvicrës ndodhet në Grupin I së bashku me Kosovën, Izraelin, Rumaninë, Andorën dhe Bjellorusinë.
Gjatë muajit mars do të zhvillohen dy ndeshje në kuadër të fazës parakualifikuese për në Euro 2024.
Zvicra zhvillon ndeshjen ndaj Bjellorusisë më 25 mars dhe ndaj Izraelit, më 28 mars.
UEFA dërgon Xhakën e Shaqirin në Serbi për të luajtur kundër Bjellorusisë