Grupi libanez Hezbollah ka pohuar në një deklaratë se militantët e saj lëshuan dhjetëra raketa Katyusha duke synuar shtabin e mbrojtjes ajrore të Forcave të Mbrojtjes të Izraelit (IDF) në zonën e kazermave Kaila në Lartësitë Golan.
Në një deklaratë, Hezbollahu deklaroi mbështetjen e tij për popullin palestinez në Gaza dhe rezistencën e tyre kundër sulmeve izraelite në zonat civile.
Hezbollah tha se sulmi u krye në orën 12:35 të mëngjesit me orën lokale të së dielës.
IDF udhëzon njerëzit në Izraelin verior që të qëndrojnë pranë hapësirave të sigurta
Nga ana tjetër, Forcat e Mbrojtjes së Izraelit(IDF) kanë udhëzuar banorët e disa pjesëve të Izraelit verior që të qëndrojnë pranë hapësirave të mbrojtura.
“Në përputhje me vlerësimin e situatës, banorëve të Lartësive Veriore të Golanit, zonës së Nevatim, Dimona dhe Eilat u kërkohet të qëndrojnë pranë hapësirave mbrojtëse deri në njoftimin e mëtejshëm”, tha IDF.
“Me aktivizimin e sirenave kërkohet që të futet në një hapësirë të mbrojtur”, vijon deklarata. “Nëse nuk ka hapësirë të mbrojtur, kërkohet të gjendet zona më e mbrojtur e mundshme. Në çdo rast, duhet pritur dhjetë minuta dhe jo më pak”.
IDF tha se banorët duhet të presin për udhëzime shtesë nga Komanda e Frontit të Brendshëm./CNN
Libani mbyll përkohësisht hapësirën ajrore
Raportohet se pas lëshimit të raketave dhe dronëve iranian ndaj Izraelit, Libani ka mbyllur hapësirën ajrore.