Historia e rradhës në emisionin “Shpirti i vikendit” me Drilona Shala në Radio Dukagjini na njohu me një histori suksesi, atë të Arben Hoxhës.
I ftuar në programin e mëngjesit, Arbeni i cili jeton dhe punon në Finlandë tregoi rrugëtimin e tij drejt shtetit skandinav ku ai prej vitesh jeton me familjen e tij.
Mes sfidave të shumta të rrugëtimit të tij ai tregoi se sot punon në një nga kompanitë më të mëdha ndërkombëtare me bazë në Finlandë, “Normet” e cila prodhon makineri të veçanta për ndërtime spicifike infrastrukturore, si tunele, hapje minierash etj, ku ai është përgjegjës në departamentin e shitjes.
Arbeni tregoi mes tjerash se ekipi i tij përbëhet nga punëtor të etnive të ndryshme ku ka tolerance e mirëkuptim.
Në fjalën e tij Arben Hoxha në Radio Dukagjini tha se Kosova duhet të investojë më shumë në ruajtjen e monumenteve kulturore historike që dhe vizitorët e huaj dhe vendor të mos harrojnë rrugëtimin hisatorik të Kosovës.
Rubrika “Historia ime” në kuadër të emisionit “Shpirti i Vikendit” ka për qëllim që çdo fundjavë të sjell tek dëgjuesit histori të ndryshme personale nga bashkatdhetarët tanë të cilët do rrëfejnë për sfidat e tyre të migrimit dhe jetën e tyre në diasporë.