“Bad News Eagles” (BNE), kanë shkruar historinë duke u bërë ekipi i parë shqiptar që kualifikohet në turneun më të madh të botës në Counter-Strike: Global Offensive (CS:GO).
Këtë e arritën me një rikthim të jashtëzakonshëm në Rumani kundër skuadrës çeke SINNERS Esports.
Rreth 30 mijë shikues ishin të pranishëm në live stream-in zyrtar të Professional Gamers League (PGL), dhe rreth 8 mijë shikues ishin të pranishëm te live stream i shqiptarit Ernest Xhoci, për të shikuar duelin e djemve nga Kosova kundër ekipit çek.
Ndeshja filloi me fitore në mapin e parë nga ekipi SINNERS, por ekipi shqiptar Bad News Eagles arriti të rikthehet duke e fituar mapin e dytë me rezultat 16:6. Ky rezultat erdhi nga bashkëpunimi i fortë i ekipit shqiptar që lehtësisht e konfirmuan fitoren.
Sa i përket mapit të tretë, kishte jashtëzakonisht shumë emocione, ku në fillim të lojës kanë qenë në epërsi ekipi kundërshtar i çekisë, me rezultat 14:11, por knaqësia e ekipt kundërshtar nuk zgjati shumë, kjo pasi fuqia e Bad News Eagles vulosi fitoren me rezultat 16:14.
Pra, ekipi shqiptar me rezultat të ngushtë 16:14 mori fitoren, kështu, duke përfunduar me rezultat të përgjithshëm 2:1 me mapa, dhe duke e siguruar kualifikimin në turneun më të madh të CS:GO.
Gjithashtu, kryeministri i Kosovës Albin Kurti, në rrjetin social Instagram u shpreh krenar me ekipin shqiptar duke thënë se nga internet kafe ku fillimisht kanë filluar ushtrimet e para, BNE, sot, na përfaqëson në garën më të madhe në botë.
“I gëzohem çdo të arriture të rinisë sonë. Ata po na dëshmojnë çdo ditë se kur kombinohet pasioni dhe puna, suksesi është i garantuar”, ka shkruar Kurti.
Ky turne do të mbahet në Belgjikë me ekipet më të mira të botës. Formacioni i ekipit shqiptar Bad News Eagles:
Flatron “juanflatroo” Halimi, Dionis “sinoppsyy” Budeci, Genc “gxx-” Kolgeci, Rigon “rigoN” Gashi, Sener “SENER1” Mahmuti, Klesti “stikle-” Kola (Trajner).
Loja e djeshme ishte një fitore larg kualifikimit në PGL Antwerp Major 2022, ku ekipi shqiptar Bad News Eagles ka mposhtur ekipin rus, ASG, me rezultat final 2:0 me mapa.
Ekipi, Bad News Eagles, fitoi mapën e parë me shumë lehtësi, me rezultat 16:2, ndërsa në ndeshjen e dytë shënuan fitore me rezultat 16:13.
History has been made!@_badnewseagles #PGLRMR pic.twitter.com/K8kx28wnjK
— HLTV.org (@HLTVorg) April 24, 2022