Holanda nuk ka pasur telashe për ta fituar ndeshjen e fundit në grup në Kupën e Botës. Të martën pasdite, Holanda fitoi 2:0 ndaj nikoqirit, Katarit.
Me fitore, Holanda e Louis van Gaalit, ka siguruar vendin e parë në grupin A, duke mbledhur shtatë pikë në tri ndeshje.
Gakpo ka shënuar në të tri ndeshjet. Shënoi golin e parë në fitoren e vështirë, 2:0, ndaj Senegalit. Më pas shënoi për barazimin 1:1 me Ekuadorin.
Ndërkohë Katari ka hyrë në histori si përfaqësuesja më e dobët nikoqire në Kupën e Botës. Katari u bë nikoqiri i parë që humbi ndeshjen e parë të Botërorit. Dhe u bë nikoqiri i dytë që u ndal në fazën grupore të Kupës së Botës.
Afrika e Jugut kishte dështuar të kaloi grupin në vitin 2010, por kishte mbledhur katër pikë. Katari ka humbur tri ndeshjet dhe ishte thuajse inferior në grupin A.
Holanda në një të tetën e finales luan me të dytin e grupit B.