Deputeti i Lidhjes Demokratike të Kosovës (LDK), Avdullah Hoti, ka reaguar ndaj kryeministrit të vendit, Albin Kurti, i cili sot gjatë ditë ditës ka folur për marrëvehjen e vitit 2013 dhe atë të vitit 2015.
Lexo më shumë: Kurti i rendit kushtet për Asociacionin
Hoti ka thënë se me shpjegimin që Kurti bëri, sipas Hotiti, ka tentuar “t’u hedh hi syve” qytetarëve.
“Marrëveshja e vitit 2015 është bërë në dakordim me miqtë dhe ka siguruar dërgimin në Gjykatën Kushtetuese të çdo drafti të asociacionit. Ndërkaq, marrëveshja e Kurtit e vitit të kaluar në Bruksel dhe Ohër e përmban autonominë për serbët”, ka thënë Hoti.
Deputeti i LDK-së është shprehur se moskoordinimi me aleatët e ka sjellur Kosovën në situatën ku sipas tij, “nuk flitet më për marrëveshje finale me njohje reciproke, që ishte duke u negocuar nga qeveria paraprake”.
“Fatkeqësisht, tani flitet për zbatim të asociacionit që tanimë ka marr premisa të një autonomie. Mashtrimet se: nuk ka dialog pa kërkim falje dhe kthimin e të pagjeturve, ka kushte për zbatim të asociacionin dhe e mashtrime të tjera kanë dalë sheshit”, ka thënë tutje deputeti nga radhët e LDK-së.