Ish-kryeministri i Kosovës, tashmë deputeti i LDK-së, Avdullah Hoti ka thënë se projekligji per themelimin e Fondit Sovran paraqet ‘hap konkret drejt vendosjes të ekonomisë së komanduar, i cili sistem ka dështuar’.
Qeverinë aktuale Hoti i ka quajtur si “majistë” dhe se sipas tij, të njëjtit po e marrin guximin të tregojnë se për çfarë sistemi ekonomik janë. Ai ka thënë se këta janë për “ekonomi të komanduar me elemente komunizmi”.
“Vendimet e dy viteve të kaluara janë tipike të sistemeve komuniste:- ulja e pagave, – ligji për çmimet maksimale, – vendimi për caktimin e marzhave të fitimit, – tendenca për shtetëzim të Odës Ekonomike, – marrja e të hyrave vetanake të komunave e kështu me radhë”, ka shkruar Hoti.
Sipas tij, të gjitha këto janë veprime që e karakterizojnë sistemin komunist.