Ish-kryeministri i Kosovës, Avdullah Hoti, është takuar me autorin gjerman, Dr, Wilhelm Holfmeister.
“Gjatë këtyre ditëve në Kosovë ka qëndruar autori gjerman Dr. Wilhelm Hofmeister, dhe pata kënaqësinë të takohem dhe të diskutoj tema të rëndësishme me të”, ka shkruar Hoti.
Hoti ka treguar se Dr. Wilhelm Hofmeister mban titullin “Doktor në Filozofi” (PhD) në shkencat politike, ka botuar shumë vepra mbi temën e partive politike e demokracinë dhe është një këshilltar i lartë politik në fushën e bashkëpunimit ndërkombëtar në Fondacionin Konrad Adenauer nga Gjermania.
“Dr. Hofmeister dje ka bërë promovimin e librit ‘Partitë politike formësojnë demokracinë’”, ka shtuar ish-kryeministri i vendit.
Tutje, ai ka theksuar se prezantimi i librit është shoqëruar me një diskutim në lidhje me rëndësinë e librit dhe partive politike në përgjithësi.