Deputeti i Lidhjes Demokratike të Kosovës (LDK), Avdullah Hoti njëherësh ish-kryeministër i Kosovës ka reaguar pas ftesës së gazetarit, Lirim Mehmetaj nga Prokuroria për veprën “nxitje e përçarjes dhe mosdurimit”.
Ai ka përmendur raste kur Lëvizja Vetëvendosje (LVV) dëmtonte objektet e institucioneve, veturat dhe linçimin e zyrtarëve të shtetit, gazetarë e analistë.
Sipas tij, askush nuk është mbajtur përgjegjës për gjuhën e urrejtjes dhe nxitjen
“Gjuha e urrejtjes e përdorur nga partia, e cila tani është në pushtet, kundër kujtdo që e kritikoi në opozitë, ka shtyrë turmat: të dëmtojë ndërtesën e qeverisë, të dëmtojë makinat zyrtare para Ministrisë së Tregtisë dhe Industrisë, të djegë makinat private të disave. zyrtarë, linçojnë zyrtarë shtetërorë të partive politike, gazetarë dhe analistë. Askush nuk është mbajtur përgjegjës për gjuhën e urrejtjes dhe nxitjen. Bile po lirohet edhe për gaz lotsjellës të hedhur në Kuvend, veprim të cilin e ka parë e gjithë bota përveç gjykatës”, ka shkruar Hoti.
Tutje, ai ka thënë se tash VV-ja po merret me gazetarin Mehmetaj duke thënë se demokracia duhet mbrojtur dhe se sytë nuk duhet të mbyllen para këtyre veprimeve.
“Tani ata kanë të bëjnë me një gazetar, i cili është i pakompromis ndaj qeverisë së prapambetur që e ka kthyer vendin në armiqësi me botën demokratike. Jam me gazetarin Lirim Mehmetaj. Unë do t’i bashkohem çdo proteste për të mbrojtur atë dhe të tjerët që flasin lirshëm, që flasin sipas bindjeve të tyre. Demokracia duhet mbrojtur, jo vetëm me mbështetjen e mediave sociale. Ne nuk guxojmë të mbyllim sytë para këtyre veprimeve”, ka vijuar ai.