Ambasadori i Shteteve të Bashkuara të Amerikës në Kosovë, Jeff Hovenier, ka bërë thirrje për përgjegjësi të plotë ndaj autorëve të sulmit terrorist që ndodhi një vit më parë në Banjskë të Zveçanit.
Në në platformën “X” (ish-Twitter), Hovenier shprehu respektin dhe nderimin e tij për heroin Afrim Bunjakun, duke iu bashkuar Qeverisë dhe trupave diplomatike për të përkujtuar policin që u vra në këtë sulm.
Ai gjithashtu theksoi se SHBA-ja pret që të gjithë të përfshirët në këtë akt kriminal të mbahen përgjegjës.
“Sot u bashkova me Qeverinë e Kosovës dhe kolegët diplomatikë për të nderuar kujtimin e policit të Kosovës, Afrim Bunjaku, i cili u vra në krye të detyrës gjatë sulmit në Banjskë, sot një vit më parë. Shtetet e Bashkuara përsërisin thirrjen e tyre, dhe është pritshmëria jonë, që autorët dhe të gjithë ata që u përfshinë në atë krim të tmerrshëm të mbahen plotësisht përgjegjës”, ka shkruar Hovenier.
Today I joined with Government of Kosovo and diplomatic colleagues to honor the memory of Kosovo Police Officer Afrim Bunjaku, who was killed in the line of duty during the Banjska attack, one year ago today. The United States reiterates its call, and it is our expectation, that… pic.twitter.com/sELzc14XOg
— Ambassador Jeff Hovenier (@USAmbKosovo) September 24, 2024
Edhe Bashkimi Evropian ka përsëritur thirrjen që të ndiqen përgjegjësit e sulmit në Banjskë dhe se është e përkushtuar për drejtësi.
Zëdhënësi i Bashkimit Evropian, Peter Stano, ka thënë se ka shkruar në rrjetin social X se duhet të vijojnë përpjekjet për ruajtjen e sigurisë dhe normalizimin e raporteve në mes të Kosovës dhe Serbisë.
“Një vit pas sulmit në Banjskë. BE-ja përsërit thirrjen për ndjekje të shpejtë të përgjegjësve dhe rikonfirmon përkushtimin e saj për drejtësi dhe llogaridhënie. Është rikujtim i nevojës për përpjekje të vazhdueshme për të ruajtur sigurinë dhe avancimin e normalizimit të raporteve mes Kosovës dhe Serbisë”, ka shkruar Stano.