Analisti, Ylli Hoxha, ka thënë se sipas burimeve të tij zyrtare konfirmohet se ka një përpjekje serioze të mbështetur edhe nga bashkësia ndërkombëtare që në afat prej tetë javësh të ketë një mbledhje të re të Këshillit të Evropës për anëtarësim të Kosovës në KiE.
“Nuk bëhet fjalë për hipotezë”, ka thënë Hoxha në “Debat Plus” në RTV Dukagjini.
Në ndërkohë, Presidenca e Kosovës ka vazhduar përplasjet në distancë me Qeverinë e Kosovës. Kësaj here, presidenca i ka reaguar Donika Gërvallës duke i gjetur edhe gabime në data.
Lexo më shumë: Presidenca shfaq gabimin e Gërvallës, “akuzon” Qeverinë se me veprimet e tyre s’po e ndihmojnë Kosovën
Në një prononcim për “Debat Plus”, Bekim Kupina ka thënë se Qeveria dhe MPJD-ja nuk kanë treguar koordinim e bashkëpunim me presidenten Vjosa Osmani.
Sipas tyre, kjo nuk e ndihmon Kosovën.