Ish-ministri i jashtëm, Enver Hoxhaj, njëherësh deputet nga Partia Demokratike e Kosovës, ka kritikuar kryeministrin Kurti dhe qeverinë e tij se po bëjnë dialog të mbyllur dhe jo transparent.
Ai ka thënë se dialogu asnjëherë nuk ka qenë si proces më i mbyllur dhe më jo transparent me Serbinë, sikurse është tani.
“Asnjëherë nuk ka qenë dialogu si proces më i mbyllur dhe më jo transparent me Serbinë, sikurse është tani, ku as qytetarët, as opozita dhe as opinioni publik nuk e dinë se kujt kryeministri Kurti dhe qeveria e tij po i thonë PO në një restaurant, pa e ditur askush në Kuvend të Kosoveës se çfarë përmbajnë këto plane dhe çfarë po pranojnë e cili është rezultati i përfundimtar!”, ka shkruar Deputeti i PDK-së, Enver Hoxhaj.