Ilir Ferati, kandidat i Lidhjes Demokratike të Kosovës (LDK) për kryetar të Istogut, ka ndarë momente nga një takim me të rinjtë e kësaj komune.
Në një postim në Facebook, ai ka theksuar se mëngjesin e së shtunës e ka nisur me kafe bashkë me rininë istogase, të cilën e cilësoi si frymëzim të përditshëm.
“Mëngjesi i së shtunës fillon me kafe, e ku më mirë se me rini? Frymëzim i ditës janë bisedat me këta të rinj, me të cilët jam i bindur që LDK vazhdon rrugëtimin, me këta të rinj Istogu ecën përtej”, ka shkruar Ferati.
Ai gjithashtu falënderoi të pranishmit për bashkëbisedimin, duke shtuar: “Faleminderit që ndamë kafen e mëngjesit së bashku.”