Indonezi: Të paktën 174 persona kanë mbetur të vdekur në stadiumin e futbollit si pasojë e përleshjeve mes tifozëve

Tifozët e skuadrave Arema FC dhe Persebaya Surabaya janë përleshur në një stadium futbolli në Indonezi. Si pasojë e kësaj përplasjeje mes mbështetësve të ekipeve, policia është detyruar të ndërhyjë duke përdorur gazlotësjellës

Foto ilustrim

Të paktën 174 persona kanë mbetur të vdekur në Indonezi si pasojë e përleshjeve në një stadium futbolli, duke u bërë një nga katastrofat më të rënda të stadiumit në botë.

Ndërsa nga gazilotsjellësi të cilin e përdori policia për të shpërndarë turmën e protestuesve  kanë mbetur të plagosur 180 persona.

Kjo përleshje është shkaktuar nga humbja e Arema FC nga skuadra Persebaya Surabaya.

Shefi i ministrit të sigurisë së vendit ka thënë se numri i spektatorëve e ka tejkaluar kapacitetin e stadiumit me rreth 4 mijë njerëz.

Ndërkaq, presidenti Joko Widodo ka urdhëruar që të gjitha ndeshjet në ligën më të lartë të Indonezisë të ndalen derisa të përfundojë një hetim.

Shoqata e futbollit indonezian (PSSI) ka thënë se kishte nisur një hetim, duke shtuar se incidenti kishte “njollosur fytyrën e futbollit indonezian”.

Pamje nga stadiumi i furbollit në Indonezi

Dhuna në ndeshjet e futbollit nuk është e re në Indonezi, Arema FC dhe Persebaya Surabaya janë rivalë prej kohësh, raporton BBC.

Në vitin 1964, gjithsej 320 njerëz kishin mbetur të vdekur dhe më shumë se 1 mijë të tjerë kishin mbetur të plagosur gjatë një rrëmuje në një ndeshje kualifikuese olimpike Peru-Argjentinë në Lima.

Në Britaninë e Madhe, 97 tifozë të Liverpoolit ishin shtypur për vdekje në 1989 në stadiumin Hillsborough në Sheffield.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika