Grupi i pavarur për monitorimin e internetit, NetBlocks, njofton se Irani po përballet me një bllokim të plotë të internetit për gjashtë ditë radhazi.
Sipas NetBlocks, vendi ka vetëm rreth 1% lidhshmëri në orën e 144-të të ndërprerjes, shkruan BBC, transmeton Dukagjini.
Bllokimet e internetit janë një nga faktorët që e bëjnë të vështirë për mediat ndërkombëtare të raportojnë mbi zhvillimet brenda Iranit.
Mediat shtetërore iraniane kanë ndërprerë shërbimet e internetit edhe më parë, përfshirë gjatë protestave anti-qeveritare që kanë shpërthyer më herët gjatë këtij viti.