Lidhja Demokratike e Kosovës ka njoftuar se ish-gjeneral major Gëzim Hazrolli, i është bashkuar partisë.
Kreu i LDK-së, Lumir Abdixhiku, ka theksuar se Hazrolli sjell me vete mbi tri dekada përvojë në ushtri dhe shërbim publik, duke qenë një simbol i disiplinës, integritetit dhe përgjegjësisë.
Hazrolli ka shërbyer si Komandant i Brigadës 123 të UÇK-së, ka udhëhequr transformimin e Trupave të Mbrojtjes në Forcën e Sigurisë së Kosovës dhe ka qenë pjesë e proceseve kyçe të modernizimit të ushtrisë.
Abdixhiku ka theksuar se ardhja e tij në LDK përçon mesazhin se “njerëzit e shtetit po kthehen në politikë” dhe se Kosova ka nevojë për institucione të përgatitura dhe drejtim të qëndrueshëm euroatlantik.
Hazrolli është dekoruar me Medaljen Presidenciale Ushtarake, Medaljen për Shërbime të Shquara dhe Medaljen e Karrierës për kontributin e tij në mbrojtjen e vendit.