Ish-presidenti i Sllovenisë, Borut Pahor, është shprehur se dialogu Kosovë-Serbi ka ngecur dhe se nëse do ta zëvendësonte Miroslav Lajçakun në pozitën e emisarit të Bashkimit Evropian për dialogun Kosovë-Serbi, do ta ofronte planin e tij për vazhdimin e procesit.
Pahor ka thënë se dialogu Kosovë-Serbi ka ngecur për shkak të mungesës së besimit.
“Do të ofroj planin tim. Dialogu është në ngërç, ka mungesë besimi dhe ne duhet ta gjejmë mënyrën për të ecur përpara me besim më të madh”, ka thënë ai.
Sipas tij, pa përparim në dialog që ë dyja shtetet, as Kosova e as Serbia nuk mund të arrijnë asgjë për një të ardhme më të sigurt.
Tutje ish-presidenti slloven ka deklaruar se është i interesuar për postin e të emisarit special të BE-së.