Ish-prodeuctja e RTK-së, Linda Shala, në emisionin “Personale” ka thënë se se RTK-në e ka degraduar politika pasi nuk është vend për të bërë punësime partiake.
Sipas saj, televizioni kërkon njerëz të shkolluar, të arsimuar dhe me përvoja të ndryshme e profesionalë.
“Mendoj që e kanë degraduar me jo profesionalizëm, televizioni si medium nuk është vend për punësim e njerëzve, televizioni kërkon njerëz të shkolluar, të arsimuar, me përvoja të ndryshime. Në momentin që televizioni ka shërbyer që partitë politikë të bëjnë, aty ka degraduar”, ka thënë Shala.
Ajo theksoi se është ende e lidhur me RTK-në dhe ka emocione por nuk mundet a shikoj për shkak se nuk janë duke iu përmbajtur disa standardëve që i kanë përcaktuar që në themelimin e tij.
“Unë hala jam e lidhur me RTK-në dhe çka ndodhë: nuk e shikoj se nuk po mundem me nda emocionin që e kam për RTK-në kur e shikoj dhe secili send që nuk është në rregull mua më pengon më shkakton dhimbje. Nuk e përjetoj mirë. Më dhemb se ne i kemi përcaktuar disa standarde që në themelim e sipër edhe është e dhimbshme që mas 20 vjetëve ti nuk i përmbahesh atyre standardeve…”, ka shtuar Shala.