Në pamjet e fundit satelitore kanë treguar një anije ushtarake ruse që është përmbytur pranë ishullit Zmiinyi (gjarpri). Ishulli Zmiinyi u pushtua nga forcat ruse në fillim të agresionit dhe është shëndrruar në një fushëbetejë, pasi ka qasje në Detin e Zi.
Imazhet që u publikuan nga Maxar Technologies kanë treguar pasojat e atyre që kanë thënë se ishin sulme të mundshme me raketa, ndaj një anijeje ruse të llojit Serna, raporton “BBC”.
Pamjet shfaqin dëmtimet e fundit të ndërtesave të banimit në ishull, i cili u bë i famshëm për replikat mes ushtarëve ukrainas dhe rus. Ndërkohë, dje një anije logjistike e marinës ruse, Vsevolod Bobrov, mori flakë pasi u dëmtua nga ushtria ukrainase në Detin e Zi pranë ishullit të “gjarpërinjve”.