Ish-presidentja e Kosovës, Atifete Jahjaga, sot në Shtëpinë e Bardhë në Uashington, me ftesën e Zonjës së Parë, Jill Biden dhe sekretarit amerikan të Shtetit, Antony Blinken, mori pjesë në ndarjen e çmimit për Gratë më të Guximshme të vitit.
Ajo e ka quajtur moment të veçantë rikthimin në Shtëpinë e Bardhë për të qenë pjesë e kësaj ceremonie.
“Në ceremoninë e veçantë, ku morën pjesë ambasadorja amerikane për çështje të grave Geeta Rao Gupta, shefja e USAID Samantha Power, Alyson Albright, që drejton fondin e Kongresit MCC e ndihmëssekretari për çështje arsimore dhe kulturore, Lee Satterfield dhe Jen Klein, drejtore e Këshillit për Politika Gjinore të Shtëpisë së Bardhë, u nderua puna e aktivisteve politike, disindeteve dhe avokueseve të të drejtave të njeriut nga e gjithë bota”, ka shkruar ajo në Facebook.
“Ishte moment i veçantë të rikthehem në Shtëpinë e Bardhë për të qenë pjesë e kësaj ceremonie që shpërblen guximin, lidershipin dhe frymëzimin e grave, të cilat i bashkojnë vlerat për më shumë liri dhe drejtësi”, shtoi Jahjaga.