Këngëtari Justin Bieber, në rrjetin social Instagram ka shpërndarë një video ku ka zbuluar se është detyruar t’i anulojë disa koncertet, pasi ai po vuan nga një paralizë e fytyrës, e quajtur Ramsay Hunt.
Sindroma Ramsay Hunt është një çrregullim neurologjik i karakterizuar nga dridhjet e fytyrës apo paraliza, që është e shoqëruar nga një skuqje që prek veshin ose gojën. Ky çrregullim thuhet se prek rreth 5 në çdo 100 mijë njerëz në vit në Shtetet e Bashkuara të Amerikës (ShBA).
“Siç mund ta shihni, ky sy nuk po pulson. Unë nuk mund të buzëqesh në këtë anë të fytyrës sime. Pra, ka paralizë të plotë në këtë anë të fytyrës sime”, ka thënë Bieber.
“Është nga ky virus që sulmon nervin në veshin tim dhe nervat e mia të fytyrës dhe ka bërë që fytyra ime të ketë paralizë”, ka thënë këngëtari në videon tre minutëshe, duke treguar anën e djathtë të fytyrës së tij.
Ai ka kërkuar nga fansat e tij të jenë të durueshëm, duke shtuar se për shfaqjet e tij të ardhshme nuk do të jetë i aftë fizikisht.
Bieber gjithashtu buzëqeshi dhe pulsoi sytë, duke u treguar 240 milionë ndjekësve të tij se si ana e djathtë e fytyrës së tij nuk lëvizte.
“Kjo është shumë serioze, siç mund ta shihni. Do të doja të mos ishte kështu, por padyshim, trupi im më thotë se duhet të ngadalësoj. Shpresoj që ju të kuptoni. Unë do ta përdor këtë kohë vetëm për të pushuar dhe për t’u çlodhur dhe për t’u rikthyer në njëqind për qind në mënyrë që të mund të bëj atë që kam lindur për të bërë”, ka shtuar këngëtari kanadez.
😭🥺 Apparently, half of Justin’s face is paralyzed due to Ramsay Hunt Syndrome. Get well soonest, @justinbieber! Don’t worry about us, we’ll still be here! 💜✨#GetWellSoonJustin pic.twitter.com/ko5GsEquPT
— Justin Bieber Philippines (@JBPhilippines) June 10, 2022