38 tenistë dhe teniste nga 12 shtete evropiane ishin pjesëmarrës në turneun evropian Peja Open 2023 i cili u organizua në qendren sportive “Arben Zeka” në Brestovikë të Pejës.
Në konkurencen individuale te vajzat fituese doli Zeliha Nil Cukurluoglu nga Turqia e cila në finale ishte më e mirë se bashkëkombësja e saj Duru Arslan.
Tek meshkujt i pari në turne doli Pavle Stojiljkovic i cili në finale mposhti Ilija Ilic.
Në konkurencën e çifteve te vajzat triumfuan dyshja kosovaro/turke Learta Muharremi – Zeliha Nil Cukurluoglu të cilat në meçin final ishin më të mira se dyshja Nina Thaçi-Duru Arslan.
Te meshkujt në dyshe triumfuan Pavle Stojilkovic dhe Ilija Ilic të cilët pas një meçi maratonik mposhten dyshen greko/çeke Alexandros Avgeris – Marek Smejcky.
Ky turne u organizua nga Klubi i Tenisit Peja në bashkëpunim me Komunën e Pejës dhe Federatën e Tenisit të Kosovës.
Që nga e hëna po në qendren sportive “Arben Zeka” në Pejë nis turneu tjetër ndërkombëtar ITF J30 Peja Open.
