Deputetja e AAK-së, Time Kadrijaj, ka adresuar kritika të ashpra kundrejt kryeministrit Albin Kurti.
Kadrijaj në “FIVE” të Dukagjinit tha se për kauzat e Kurtit janë vrarë e burgosur njerëz, duke theksuar se kur erdhi në pushtet, Kurti “i harroi” premtimet e kauzat si aktivist e si opozitar.
“Të mos flasim për Zajednicës. Ata janë vrarë për Zajdenicën dhe për të gjitha këto kauza janë vrarë njerëz, zoti Kurti i ka qitur njerëzit në rrugë për Asociacionin, për Zajednicë, siç e ka quajtur. Janë vrarë njerëzit në rrugë për kauzat e zoti Kurti… ka njerëz që janë burgosur për kauzat e zotit Kurti, e tash këto ndryshime me ardhjen në pushtet janë ndryshime drastike. Sepse në raport me ato qëndrime e ka marrë përkrahjen popullore, i ka marrë 51 për qind. Ndërsa, tash është një zhgënjim total, pasi asnjë premtim nuk e ka mbajtur. ;ka njofto asnjë të arritur të Kosovës”, ka thënë Kadrijaj.
Sipas saj, Lëvizja Vetëvendosje dhe Kurti kanë pësuar ndryshim drastik pasi kanë marrë pushtetin.
“Zoti Kurti nuk ka njoftur në fakt asgjë, asnjë të arritur të Kosovës deri sa ka ardhur në pushtet. Dhe nëse i shohim deklaratat e zotit Kurtit para se të vijë në pushtet dhe pasi ka ardhur, ka ndryshim drastik. Asnjë parti nuk mundet me pas ndryshime drastike të qëndrimeve dhe qëndrimeve si zoti Kurti dhe Lëvizja Vetëvendosje. Sepse ata nuk e kanë pasur fare prioritet dialogun dhe ka dalë prioritet i parë”, ka shtuar Kadrijaj.