Deputeti i vetëm shqiptarë në Parlamentin e Serbisë, Shaip Kamberi ka njoftuar se procesi i regjistrimit të popullsisë në Luginë të Preshevës ka hyrë në dhjetë ditëshin final.
Përmes një postimi në Facebook, Kamberi është shprehur që deri më tani regjistruesit shqiptarë kanë kryer punën e tyre, ndërsa qytetarët iu janë përgjigjur masovisht procesit të regjistrimit.
“Tani jemi në fazën finale. Prandaj ka nevojë për energji shtesë e vazhdimësi të vullnetit për t’a regjistruar e për t’u regjistruar çdo qytetarë”, ka shkruar Kamberi në Facebook.
Shaip Kamberi është shprehur që inkurajon regjistruesit të vazhdojnë me intensitetin e lartë të punës, ndërsa qytetarët që të vazhdojnë të regjistrohen. Ai ka shtuar se ky regjistrimi i popullsisë është me rëndësi.