Ermina Lekaj Prljaskaj – Shqiptarja që synon edhe një mandat në parlamentin e Kroacisë ka thënë se gjasat janë shumë të mira që në Kroaci të ketë sërish përfaqësues shqiptarë.
Në emisionin “FIVE”, ajo ka thënë se është duke punuar në ngritjen e vetëdijësimit të bashkëatdhetarëve duke synuar që komuniteti shqiptar në Kroaci të bëhet faktor i rëndësishëm në shoqëri dhe në aspektin politik.
“Gjasat janë të mira që të kemi prapë përfaqësues në Kroaci, jemi duke punuar në ngritjen e vetëdijësimit të bashkëatdhetarëve tanë, sipas informatave që kemi në terren, jemi të gatshëm që masovikisht të dalim në votime. Qëllimi që jam fut në këtë garë ka qenë që komuniteti shqiptar në Kroaci të bëhet faktor i rëndësishëm në shoqëri, komuniteti shqiptar është shumë punëtor, në aspektin ekonomik është i rëndësishëm, duhet ta mbajmë tempon e faktorizimit të shqiptarëve në aspektin politik”, ka deklaruar Prljaskaj.