Dogana e Kosovës ka njoftuar se të dielën e 27 nëntorit janë kapur mbi gjysëm kilogram ari gjatë tentim kontrabandës në pikëkalimin kufitar të Vërmicës.
“Gjatë kontrolleve rutinore oficerët doganor kanë selektuar për kontroll detal një autobus të linjës Kosovë – Shqipëri, gjatë kontrollimit oficerët kanë gjetur stoli të arit në sasi mbi 500 gram”, ka njoftuar Dogana e Kosovës.
Tutje njoftohet se sasia ka qenë në një qese të letrës dhe është gjetur te vozitësi i autobusit.
“Sasia është konfiskuar si dhe rasti ka vazhduar për kundërvatje doganore dhe për hetime të mëtejme”.
Mes tjerash nԯ njoftim thuhet se dogana do të vazhdojë të zbatoj kontrolle të detajuara përfshirë kontrollet pas importit sipas autorizimeve ligjore. Dogana e Kosovës ka apeluar tek tregtarët që të shmangin praktikat e kundërligjshme “dhe të bashkëpunojnë me Doganën për të siguruar trajtim të barabartë ligjor, për ekonomi të shëndoshë të tregut”.