Një zyrtar policor është kapur në pikëkalimin kufitar në Vërmicë, teksa në mënyrë ilegale po barte fishekë gjuetie.
Inspektorati Policor i Kosovës (IPK) ka bërë të ditur se, personit në fjalë i janë gjetur, gjithsej, 1074 fishekë të pushkës për gjueti.
IPK-ja ka njoftuar se ndaj policit i cili ishte jashtë detyrës zyrtare është rekomanduar suspendimi dhe se i është hapur rasti për veprat penale ““Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse”.