Të paktën gjashtë persona janë lënduar si pasojë e një aksidenti trafiku të ndodhur në Kroaci.
Rasti raportohet të ketë ndodhur këtë të mërkurë, ku në mesin e të lënduarve ka edhe shqiptarë.
Siç raporton mediumi kroat “Danas.hr”, dy nga të lënduarit janë në gjendje më të rëndë.
Katër nga të lënduarit janë shtetas shqiptarë me qëndrim të përkohshëm në Kroaci, 22, 41, 43 dhe 45-vjeç, ndërsa aksidenti është shkaktuar nga vozitësi shqiptar, i cili po ngiste veturën “Volkswagen Caddy”, teksa për shkak të mospërshtatjes së shpejtësisë dhe gjendjes së rrugës, si dhe dukshmërisë dhe kushteve atmosferike ka kaluar në korsinë e automjeteve nga drejtimi i kundërt, ku është përplasur me një kamion.
Të lënduarit janë trajtuar në Qendrën Spitalore Klinike të Zagrebit dhe në Spitalin Klinik të Dubravës.