Këshilli i Prindërve të Komunës së Prishtinës ka dalur me disa konkluzione të arritura unanimisht lidhur me mos-shpërndarjen e librave në shkolla.
Me anë të një postimi në Facebook, nga Këshilli i Prindërve të Prishtinës kanë deklaruar se metoda e propozuar nga MASHT-i mund të dështojë.
“KPP shprehë brengën e thellë dhe ka mëdyshje në propozimin publik të ministres, për të aplikuar ‘Metodën e Rimbursimit’, që është e panjohur dhe pa testuar paraprakisht, dhe si rrethojë mund të jetë e dështuar që në fillim. Po ashtu, problem tjetër i identifikuar është mos posedimi i llogarive bankare nga shumë prindër, dhe probleme të tjera që lidhen me kredi apo procese përmbarimore”, kanë deklaruar nga Këshilli.
Nga këta të fundit është kërkuar që MASHTI të gjej një zgjidhje në sigurimin e teksteve shkollore para një shtatorit, data e hapjes së shkollave.
“KPP, kërkojmë nga Ministria e Arsimit që të gjejë zgjidhje të shpejtë dhe praktike në sigurimin e librave shkollor para fillimit të procesit mësimor, 1 Shtatorit. Nëse nuk sigurohen librat me kohë, nga Ministria e Arsimit sikur vitet paraprake, Këshilli i Prindërve të Prishtinës do të shqyrtoj veprime tjera konform situatës së krijuar!”, kanë deklaruar Këshilli i Prindërve të Prishtinës.
Ministria e Arsimit është duke e shqyrtuar mundësinë që këtë vit t’i transferojë mjetet financiare në llogaritë e prindërve, në mënyrë që ata t’i blejnë tekstet shkollore për fëmijët e tyre.