Është gjetur një mjet i pashpërthyer në fshatin Jedov të Deçanit, të premten.
Siç njofton raporti 24-orësh i Policisë së Kosovës, rastin e kishte raportuar një burrë kosovar, i cili kishte hasur në mjetin gjersa priste dru në pyll.
Për mjetin është përkujdesur njësiti për deminim i KFOR-it.
“Ankuesi mashkull kosovar ka raportuar se gjersa ai ishte në pyll duke prerë dru, kishte hasur në një mjet të dyshuar të pa shpërthyer. Njësiti për deminim i KFOR-it ka bërë shpërthimin e kontrolluar të mjetit të dyshuar pa ndonjë incident”, thuhet në raport.
Rasti ka ndodhur mëngjesin e së premtes.