Reperi i njohur, Fero nuk ka të ndalur me veprimet e tij.
Disa javë më parë njoftoi se po largohej nga muzika dhe se po përkushtohej ndaj fesë islame.
Pas kësaj ngjarjeje, ai vazhdoi ta fuqizojë vëmendjen e publikut, duke ndryshuar edhe emrin e tij që njihej si “Fero” apo nga Feronit në “Khattabi”.
Fluksi i lajmeve nga “Khattabi” vazhdon edhe me publikimin nga jeta personale, sidomos ajo më e përfolura, marrëdhënia e tij me modelen e njohur, Arbenita Ismajli, me të cilën ka një vajzë.
Raporti i tij me ish-gruan e tij Arbenita Ismajli po vazhdon të diskutohet.
“Khattab” ka vendosur që edhe këtë raport ta ndajë me ndjekësit e tij, duke thënë se ai tashmë nuk ka asnjë lidhje me modelen dhe se ka jetën e vet.
Ai tha se kanë respekt të ndërsjellët pasi edhe janë prindër të një vajze.
“Jam mysliman tani dhe nuk kam lidhje me atë çfarë bën ish-gruaja ime. Secili e kemi jetën me respekt për njeri-tjetrin sepse kemi një vajzë, por sot jam mysliman dhe nuk kam lidhje me të. Ajo zgjodhi jetën e saj”, ka shkruar Fero në postim.
