Ministria e Jashtme e Kinës u ka bërë thirrje Izraelit dhe Iranit që të ndërmarrin menjëherë hapa për uljen e tensioneve, teksa përplasjet mes dy vendeve po vazhdojnë.
“U bëjmë thirrje të gjitha palëve që të marrin masa të menjëhershme për të qetësuar situatën, për të parandaluar përshkallëzimin e mëtejshëm dhe për të krijuar kushte për rikthimin në rrugën e dialogut dhe negociatave,” tha të hënën zëdhënësi i Ministrisë së Jashtme kineze, Guo Jiakun.
Ai theksoi se Kina është e shqetësuar për situatën e krijuar dhe u bën apel vendeve të përfshira që të veprojnë me përmbajtje.
Këto komente vijnë një ditë pasi një tjetër zëdhënës i Ministrisë deklaroi se Kina është e gatshme të luajë një rol konstruktiv në procesin e deeskalimit dhe të ndihmojë në stabilizimin e rajonit./BBC