Superliga e Kosovës ka kompletuar edhe xhiron e pestë të edicionit garues 2022/23, edhe pse nuk janë zhvilluar të gjitha ndeshjet.
Kryendeshjen mes Prishtinës dhe Ballkanit, e fitoi skuadra nga Suhareka me rezultat minimal si mysafire me 1-0, ndeshje kjo e cila u zhvillua të dielën në stadiumin “Fadil Vokrri” nën reshje të dendura të shiut.
Tabelën e kryeson Gjilani, që ka grumbulluar 13 pikë me të gjitha ndeshjet e zhvilluara. Ndiqet më pas nga Ballkani me nëntë (9) pikë, që ka 2 ndeshje më pak të zhvilluara.
Pastaj, në rend vjen ekipi nga Gjilani, Drita me tetë pikë, duke u pasuar nga Prishtina që ka një pikë më pak (7) dhe zë vendin e katërt.
Ndërsa krejt në fund, është Malisheva ajo e cila e kompleton pesëshen, me gjithsej gjashtë pikë.
Renditjen e gjeni të bashkangjitur:
Gjilani 13 pikë, Ballkani 9, Drita 8, Prishtina 7, Malisheva 6.
Gjithashtu tabelen e renditjes e pasojnë edhe katër ekipet tjera të cilat deri më tani kanë akumuluar pikët si në vijim:
Llapi 5 pikë, Ferizaji 3, Trepça 2, Dukagjini 1.