Koalicioni i udhëhequr nga SHBA kreu më herët një operacion uljeje me helikopter në mëngjes në një pjesë të Sirisë veriore të mbajtur nga rebelët e mbështetur nga Turqia, tha një zëdhënës i grupit rebel për Reuters, në atë që ai tha se ishte sulmi i parë i këtij lloji në zonë, raporton USNews.
Koalicioni ka kryer bastisje dhe sulme duke synuar anëtarët e grupit xhihadist, i cili ka kryer sulme kryengritëse që nga humbja e tij në fushën e betejës tre vjet më parë.
“Individi i kapur është një prodhues me përvojë i bombave artizanale, i cili u bë një nga udhëheqësit më të lartë të degës siriane të Daesh-it(i referohet, shtetit islamik),”shkruhej në raportin e koalicionit të udhëhequr nga SHBA-ja, që lufton grupin xhihadist në Siri dhe Irak, të cilët përdorin një emër tjetër për shteti islamik.
Majori Youssef Hamoud, një zëdhënës i Ushtrisë Kombëtare Siriane (SNA) të mbështetur nga Turqia, tha se helikopterët Chinook dhe Black Haëk të prodhuara nga SHBA ishin të përfshirë, por se rrethanat e sakta ishin të paqarta në atë kohë.
“Ky është operacioni i parë i uljes së helikopterit [të SHBA-së) që ndodh” në zonat nën kontrollin e SNA, tha ai.