Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në vendkalimet kufitare të Kosovës me Serbinë.
Pritjet më të gjata janë regjistruar në pikën kufitare në Jarinje dhe Muçibabë.
Në hyrje të pikës kufitare, Jarinje, bashkatdhetarët po presin deri në një orë në hyrje dhe deri në 20 minuta në dalje.
Kolona e automjeteve raportohet të jetë deri në 300 metra në hyrje, kurse në dalje 60.
Edhe në hyrje të pikës tjetër kufitare, Muçibabë, është raportuar për kolona të gjata.
Pritjet në këtë pikë janë deri në një orë, kurse kolona e automjeteve shkon deri në 250 metra në hyrje dhe 250 metra në dalje.
Ndërkaq, në vendkalimet e tjera kufitare të Kosovës me shtetet fqinje, nuk ka pritje të gjata.
Te pika kufitare, te Dheu i Bardhë, kolona raportohet të jetë deri në 50 metra në hyrje dhe deri në 70 metra në dalje.
Kurse pritjet janë deri në 25 minuta në hyrje dhe deri në 30 minuta në dalje.