Dy fshatra të komunës së Kamenicës, nuk e kanë respektuar vendimin e Sindikatës së Arsimit, për grevë në arsim.
Komuna e Kamenicës, ka bërë të ditur se në fshatrat Karaçevë e Poshtme dhe Busavatë ka nisur procesi mësimor.
Po ashtu, kjo komunë ka njoftuar se të mërkurën do të fillojë edhe në Institucionin Parashkollor “FILIZAT” dhe po ashtu në shkollat e tjera.
“Sot ka filluar procesi mësimor në shkollat e fshatrave Karaçevë e Poshtme dhe Busavatë. Nga nesër procesi mësimor do të fillojë edhe në Institucionin Parashkollor “FILIZAT” dhe shkollat e tjera”, thuhet në njoftimin e Kamenicës.
Kërkesa kryesore e grevës në arsim është procesimi i 100 eurove deri në miratimin e ligjit të pagave.