Pas kritikave për moscaktimin e një dite zie, Komuna e Tetovës ka vendosur që e hëna, 1 dhjetor 2025, të shpallet ditë zie për nder të këngëtarit Shpat Kasapi.
Shpat Kasapi ndërroi jetë më 26 nëntor në Itali dhe u varros sot në vendlindjen e tij, Tetovë, në orën 14:00.
Komuna thekson se këngëtari dha një kontribut të rëndësishëm në zhvillimin e kulturës dhe muzikës, si në Tetovë dhe Maqedoninë e Veriut, ashtu edhe në skenën muzikore shqiptare.
Veprimtari i çështjes kombëtare shqiptare, Bardhyl Mahmuti, kishte kritikuar më herët udhëheqësit e Tetovës për trajtimin e Shpat Kasapit pas vdekjes së tij.
“Më mirë vonë se kurrë! Këshilli i Komunës së Tetovës shpalli ditë zie për Shpat Kasapin!”, ka thënë në Facebook, pas vendimit Mahmuti.
“Ngushëllime familjes, miqëve dhe gjithë artdashësve!”, thuhet në njoftimin e Komunës.