Nuk kanë të ndalur largimet te Drita, Almir Kryeziu është futbollisti i radhës i cili është larguar nga skuadra bardhekalter.
Lajmin e ka bërë të ditur vetë futbollisti në fjalë ku përmes një postimi në rrjetin social Facebook, ka zyrtarizuar largimin e tij.
“Ju njoftoj qe sot pas dy vitesh te kaluara me FC Drita, i kam dhënë fund bashkëpunimit me këtë klub. Dua ta falënderoj klubin për bashkëpunimin, gjithashtu trajnerët dhe stafin e tyre, stafin mjekësor, ekonomët dhe gjithë atyre qe kane dhënë kontribut për klubin. Falënderim te veçantë për tifozët “Intelektualet” qe i kane qëndruar pranë klubit ne çdo kohe.…” ka shkruar Kryeziu.
Sulmuesi ka qenë pjesë e Dritës për dy sezone. Ky është largimi i pestë i “Intelektualëve” brenda tri ditëve.