Pas pranimit të informatave nga qytetarët në aplikacionin e-dogana, në qytetin e Gjakovës në një njësi biznesi, Dogana e Kosovës ka gjetur një sasi të konsiderueshme të cigareve, si dhe produkteve të tjera të duhanit, për të cilat, nuk posedohej dokument, nga dogana këto produkte u konsideruan të kontrabanduara dhe u konfiskuan.
Tutje është njoftuar se ka filluar procedura kundërvajtëse ndaj personave përgjegjës.
“Pas pranimit të informatave nga qytetarët përmes aplikacionit e-dogana se në qytetin e Gjakovës, respektivisht në një njësi biznesi, tregtohet cigare pa banderola, njësitet relevante të Doganës kanë organizuar një kontrolle. Me këtë rast është gjetur një sasi e konsiderueshme e cigareve, cigareve elektronike dhe produkteve e të tjera të duhanit, për të cilat, personi përgjegjës, pala nuk posedonte dokumente, dhe si të tilla janë kontrabanduar në Kosovë. Të gjitha mallrat janë konfiskuar, si dhe ka filluar procedura kundërvajtëse ndaj personave përgjegjës” , njoftohet në postimin e Doganës së Kosovës.