Kosova dhe Bahamasi kanë arritur një marrëveshje për heqjen reciproke të vizave, e cila do të mundësojë lëvizjen e lirë të qytetarëve të të dy vendeve.
Kjo është bërë e ditur nga Presidenca e Kosovës.
“Një lajm shumë i mirë për të gjithë qytetarët e Republikës së Kosovës!
Sot, në Washington, D.C., u nënshkrua marrëveshja për heqjen e ndërsjellë të vizave ndërmjet Kosovës dhe Bahamasit.
Pas njohjes nga Bahamas dhe vendosjes së marrëdhënieve diplomatike në muajin dhjetor, Presidentja Osmani dhe Kryeministri Davis u dakorduan se ky do të ishte hapi i radhës. Ky hap dëshmon përkushtimin e përbashkët për forcimin e partneritetit ndërmjet Kosovës e Bahamas dhe, mbi të gjitha, për forcimin e lidhjeve mes qytetarëve tanë, duke i afruar ata edhe më shumë me njëri-tjetrin”, thuhet në njoftimin e Presidencës.