Kosova dhe Armenia do të përballen në ‘Fadil Vokrri’, në një miqësore që pritet të sjellë ndeshje interesante, gjatë mbrëmjes së 16 nëntorit.
Kjo është ndeshja e parë miqësore e kombëtares për muajin nëntor, ndërsa pas tri ditësh do të ballafaqohen me Ishujt Faroe, e që loja zhvillohet në stadionin “Fadil Vokrri”, në Prishtinë.
Në ndeshjen e fundit, Kosova e mposhti Qipron me rezultat të thellë 5:1, kurse Armenia u mposht nga Irlanda me një rezultat tejet të ngushtë 3:2.
Kosova në gjashtë xhirot e fundit ka bilancin më të mirë të rezultateve, ku ka regjistruar tri fitore dhe tri humbje, ndërsa Armenia një fitore dhe pesë humbje.
Trajneri i Kombëtares së Kosovës, Alain Giresse, në duel me Armeninë, por edhe në miqësoren me Ishujt Faroe pas tri ditësh, ka vendosur që t’u japë rastin lojtarëve të rinj në dy miqësoret e radhës.
“Për këto miqësore janë bërë afrime për t’u dhënë mundësi lojtarëve të rinj. Kjo do të jetë një mundësi për ata që t’i shohim si prezantohen në arenën ndërkombëtare. Kjo është arsyeja pse kemi grumbulluar lojtarë të rinj. Do të luajnë të gjithë, do të mundohemi t’i fusim të gjithë në lojë që të tregojnë vlerat e tyre dhe për të parë formën e tyre fillimisht në stërvitje. Ajo çfarë ka më shumë rëndësi është që lojtarët t’i tregojnë vlerat e tyre në fushën e lojës. Sa i përket lojtarëve të rinj janë kryesisht të rinj, por ka edhe të tjerë me përvojë”, ka thënë Giresse.
Ndërsa disa nga lojtarët me shumë eksperiencë si Vedat Muriqi, Amir Rrahmani, e Milot Rashica nuk janë thirrur nga trajneri i Kosovës.
Formacionet e mundshme te të dy skuadrat janë si vijon:
Kosova (3-5-2): Topalli, Daku; Lirim Kastrati, Idrizi, Jashari, Rrudhani, Veliu; Dellova, Dresevic, Lirim R Kasatrati dhe Bekaj.
Formacioni zyrtar i Armenisë (5-3-2): Buchev, Terteryan, Mkoyan, Haryan, Voskanyan, Aventisian; Hovhannisyan, Grigoryan, Dashyan; Bichakhchyan dhe Shaghyan.