Ministria e Punëve të Jashtme e Kosovës e ka uruar shtetin fqinj të Malit të Zi për Ditën e Pavarësisë.
MPJ, përmes një postimi në rrjetin social ‘Twitter’, ka shkruar se Kosova mezi pret që edhe më shumë t’i forcojë lidhjet me shtetin fqinj malazez.
”Republika e Kosovës është e lumtur që ju ka fqinj dhe mezi pret të vazhdojë që të forcojë lidhjen tonë që kemi mes shteteve tona dhe më e rëndësishmja, traditën mes njerëzve tanë të mirë”, shkruhet në postim.
Wishing #Montenegro a cheerful Independence Day! The Republic of #Kosova is glad to have you as a neighbor & looks forward to keep strengthening our bond we have between our states & most importantly, the #tradition between the good people of ours.
🇽🇰🤝🇲🇪 pic.twitter.com/s759dOGhN9
— MFA Kosova 🇽🇰 (@MFAKOSOVO) May 21, 2022
Më 18 maj, presidenti i Malit të Zi, Milo Gjukanoviq ka vizituar Kosovën, i cili është pritur nga presidentja e Kosovës, Vjosa Osmani, me nderime të larta shtetërore.
Ata kanë mbajtur një konferencë për media, në të cilën Gjukanoviq kishte lavdëruar marrëdhëniet e shkëlqyeshme të Kosovës dhe Malit të Zi si shtete fqinje dhe kishte thënë se ndjehet i lumtur që Kosova ndan po të njëjtat qëllime strategjike drejt rrugës së Bashkimit Evropian.
Gjithashtu, Gjukanoviq është takuar edhe me kryetarin e Kuvendit, Glauk Konjufca, si dhe me kryetarin e Prishtinës, Përparim Rama, i cili me këtë rast e nderoi me ”Çelësin e qytetit” presidentin malazez.